Fundur 4. mars 2026

Fundur nr. 966 frá upphafi en 21. á starfsárinu

Loftur Már Sigurðsson sá um skemmtilegan fund 4. mars.

Gestir voru Kristín Magnúsdóttir og Fanney Þórsdóttir, sjálfboðaliðar sem hafa sinnt Frískapnum okkar, komið með mat og þrifið skápinn reglulega. Kristín sagði frá störfum sínum fyrir Hjálræðisherinn en hún sér um frískápinn þeirra sem staðsettur er hjá þeim. Hún benti á nauðsyn þess að skápurinn snéri að gangstéttinni því hún kemur reglulega á bíl með mjólk og annan varning. Hún mælti með að koma fyrir límmiða með aðvörun vegna myndavélar og er ritari að athuga það. Hugmynd kom fram um hvort Hjálpræðisherinn væri til í að sjá um myndavélaeftirlit fyrir okkur. Margt var rætt og mjög gagnlegt. Þeim var þakkað fyrir góð störf.

Góðar fréttir: Elísabet verður fjarverandi um tíma því hún mun leysa af í Neskaupstaðarprestakalli.

Bergljót upplýsti að 9. apríl munum við heimsækja klúbbinn í Keflavík.

Ásta kynnti haustferina til Vilnius, höfuðborgar Litháens. 600 - 750 þúsund íbúar. Gamla borgin er á Unesco lista. Þykir ein best varðveitta miðaldaborg Evrópu og sú stærsta norðan Alpanna. Sérstakur arkitektúr.

Ferðaáætlun: Föstudagur 4. september. Flogið með Wizzair. Brottflug kl. 17:45. Lending kl. 00:40. Laugardagur: Bæjarrölt með leiðsögn. Sunnudagur: ½ dags ferð til Trakai. Mánudagur: 7. sept. Brottflug kl.15:25. Lending 16:45

Í sínum 3 mínútum sagði Þórunn Kristjánsdóttir frá skemmtilegri siglingu frá Tenerife sem hún fór  nýlega í með viðkomu á nokkrum eyjum og þar af eyjum þar sem fáir ferðamenn koma. Var það skemmtileg og sérstök upplifun.

Loftur Már Sigurðsson sá um fundinn og flutti sjálfur skemmtilegt og fróðlegt erindi sem hann nefndi:                                                        "Samsæriskenningar.

Red pill, blue pill, black pill.

Hvað er það ?"

Þar kom fram að samsæriskenningar þurfa að vera sannar, umræðan um þær byrjaði af alvöru 1964 í USA en hún fjölgaði mjög eftir 2010. Verið er að spyrja réttmætra spurninga. Stutt er í skýringar eins og um Deep state eða Djúpríkið. Blac pill eftir 2015.

Samsæriskenningar eru þess eðlis að þegar upp er staðið veit enginn neitt um hvað var sagt eða ekki sagt, hvað var satt eða logið né heldur hvað snéri upp eða niður. Eitt er víst að Loftur mætti ekki þó hann væri þarna því hann hélt öðru fram, eða ekki. Frábær fundur.

Á fundinn mættu  15 félagar eða 83%

Geir Agnar Guðsteinsson sér um næsta fund 11. mars en Eiríkur Arnarson um þrjár mínútur.

Fundarritari: Björn Viggósson