Rótarýklúbbur Rvík – Grafarvogur

Helstu verkefni klúbbsins:

Kenýaverkefnið

Verkefnið fólst í því að setja upp sólarsellur á þak skóla sem er nýbyggður og er bæði skóli og heimili 40 umkomulausra barna. Sólarsellurnar duga fyrir lýsingu, tölvur, þvottavél og ísskáp.

Ólafur Halldórsson er stofnandi Bjartrar sýnar og stjórnandi Takk, heimilisins, sem rekur skólann.

Verkinu lauk 2025 og kostaði 17.086 dollara eða kr. 2.122.764. Rótarýklúbburinn Borgir Kópavogi, Rótarýklúbbur Mosfellssveitar, Umdæmi 1360 District Grant og frjáls framlög félaga í Rótarýklúbbi Rvík- Grafarvogur gerði klúbbnum kleift að ljúka verkefninu fljótt og með sóma. Geir Agnar Guðsteinsson er að semja grein um verkefnið.

Halló hamingja

Hjálpartæki í baráttu gegn þunglyndi og kvíða barna og ungmenna. Fjölbreyttir leikir sem ætlaðir eru börnum á öllum aldri. Hugmyndafræði leikjanna byggist á rannsóknum og reynslu af núvitund, jákvæðri sálfræði og kennslufræði. 

https://rvkgrafarvogur.rotary1360.is/is/content/projects/show/63

Frískápur í Spöng

Árið 2023 kom klúbburinn fyrir frískáp við Mosaveg, á milli Borgarholtsskóla og Borgarbókasafnsins í Spönginni. Verkið var unnið í samvinnu við borgaryfirvöld. Tveir kæliskápar eru í frískápnum og hafa fyrirtæki og stofnanir í hverfinu stutt dyggilega við framtakið. Tilgangur frískápa er að vinna gegn matarsóun og er öllum frjálst að nýta þá. Reynslan er góð að öðru leyti en að nokkur skemmdarverk hafa verið framin af unglingum, að talið er.

https://rvkgrafarvogur.rotary1360.is/is/content/projects/show/64

Skákverðlaun

Klúbburinn hefur styrkt hina mögnuðu ungu skákmenn Rimaskóla og fært þeim m.a. skákklukkur. Árlega veitir klúbburinn vegleg verðlaun í skákkeppnum Fjölnis og skólans.

https://rvkgrafarvogur.rotary1360.is/is/content/projects/show/65

Hvatningarverðlaun til unglinga

Klúbburinn hefur árlega veitt hvatningarverlaun, fyrst í Rimaskóla fyrir námsárangur á sviði umhverfis- og samfélagsmála en hin síðari ár til nemenda í Borgarholtsskóla. Í samvinnu við kennara skólans fá þeir nemendur verðlaun sem sýna eftirtektaverðar framfarir. Framtakið hefur mælst vel fyrir.

Gróska í Grafarvogi, umhverfisverkefni, hvatningarverðlaun og gróðursetning

Við stofnun klúbbsins var samþykkt að taka þátt í fimm ára samfélagsverkefninu ,,Gróska í Grafarvogi“ og styrkja það. Þetta var merkileg uppbyggingar- og forvarnarleið frá fæðingu barna. Skólar hverfisins, leikskólar, heilsugæsla, lögregla, íþróttafélög og fjölmörg önnur frjáls félagasamtök stóðu að verkefninu undir stjórn Miðgarðs, fjölskylduþjónustu í Grafarvogi. Klúbburinn reið á vaðið með að verðlauna hugmyndasamkeppni sem fram fór meðal nemanda í margmiðlunarhönnun í Borgarholtsskóla um gerð merkis fyrir verkefnið.

Umhverfisverkefni
Klúbburinn hefur verið í samstarfi  við Borgarminjavörð og íbúasamtök Grafarvogs ásamt fleiri aðilum um merkingu minjastaða í Grafarvogi.

Rótarýlundur í Gufunesi

Klúbburinn hefur fengið til umráða svæði til gróðursetningar. Svæðið er á milli hlöðunnar í Gufunesi og Skemmtigarðsins í Grafarvogi. Félagar klúbbsins hafa aðstoðað við skipulagningu svæðisins.

Plokkdagurinn mikli

Rótarýfélagar um land allt hafa hvatt fólk í sínu nærsamfélagi, nágranna, vini og vinnufélaga til að taka þátt. Klúbbfélagar hafa verið duglegir í Grafarvogi. Stóri plokkdaginn var fyrst haldinn að frumkvæði Einars Bárðarsonar, rótarýfélaga, árið 2018.

Lestur á Eir

Í mörg á skiptust rótarýfélagar á að lesa vikulega fyrir vistmenn á Eir Hjúkrunarheimili. Þetta mæltist mjög vel fyrir, bæði meðal sjúklinga og starfsfólks. 

Skiptinemar

Einn áhrifamesti þáttur alþjóðaþjónustu Rótarýhreyfingarinnar eru nemendaskipti sem standa til boða börnum rótarýfélaga jafnt sem öðrum. Skiptinemarnir dveljast eitt skólaár í landi gestgjafa, á heimilum rótarýmannna eða á öðrum heimilum sem rótarýmenn velja.

Patric Witcombe frá Ástralíu dvaldi hjá okkur árið 2004 og Linda Gödeke hluta árs 2005. Pat skrifaði grein um dvöl sína á Íslandi en hún birtist í Grafarvogsblaðinu í mars 2006 í þýðingu Björns J. Tryggvasonar.  Greinina er hægt að lesa hér á ensku og íslensku.

https://rvkgrafarvogur.rotary1360.is/is/content/various/show/1149

Alþjóðlegt hjálparstarf Rótarý

Klúbburinn hefur tekið virkan þátt í baráttu Rótarý hreyfingarinnar við að útrýma lömunarveikinni í heiminum. Það verkefni hefur staðið yfir í áratugi og hefur skilað miklum árangri. Fyrir aldarfjórðungi dóu árlega yfir 300 þúsund börn víða um heim en nú nokkur hundruð. Til þessa góða verkefnis greiddi klúbburinn á starfsárinu 2011-12 sem svarar $100 á hvern félaga. 

Rótarýhreyfingin eru stærstu mannúðarsamtök í heimi og er talin skila mestu til þeirra sem þurfa. Ástæðan er m.a. sú, að félagsmenn í viðkomandi löndum sjá um að veita aðstoðina og kostnaður við dreifingu hefur reynst í lágmarki.

Það er líf og fjör í Rótarý

Ef þú vilt hlúa betur að áhugamálum þínum þá er svarið hér:

https://rvkgrafarvogur.rotary1360.is/is/content/news/show/1148