Halló
hamingja
Fjölbreyttir leikir
sem ætlaðir eru börnum á öllum aldri. Hjálpartæki í baráttu gegn þunglyndi og
kvíða barna og ungmenna. Mikilvægt er að foreldrar, umsjónarfólk og fagfólk hjálpi
til við val á leikjum, útskýri þá og leiki með. Hugmyndafræði leikjanna
byggist á rannsóknum og reynslu af núvitund, jákvæðri sálfræði og
kennslufræði.
Prófaðu: www.hallohamingja.is
Stuðningsaðilar:
Rótarý á Íslandi: www.rotary.is
Rótarýklúbbur
Reykjavíkur – Grafarvogi: https://rvkgrafarvogur.rotary1360.is/is/
Lýðheilsusetrið
Ljósbrot: https://gedhjalp.is/urraedi/lydheilsusetrid-ljosbrot/
Umsjónarmenn Hallo
hamingju:
Elísabet
Gísladóttir
útfærði verkefnin og leikina. Hún er félagi í Rótarýklúbbi Reykjavíkur -
Grafarvogi sem stutt hefur verkefnið frá upphafi.
Elísabet hefur
starfað í fjölda ára með fólki á öllum aldri til að efla vellíðan og velferð. Hún
hefur haldið fjölda námskeiða um hugræktaraðferðir og lífsleikni. Er með viðurkenningu
Virk starfsendurhæfingar fyrir PEPP UPP námskeið sem hún hannaði fyrir ungt
fólk sem var að stíga sín fyrstu skref eftir þrot, alvarlega sjúkdóma eða slys.
Elísabet starfar nú
sem djákni á hjúkrunarheimilunum Sóltúni og Sólvangi. Þar sinnir hún sálgæslu
fyrir íbúa, aðstandendur og starfsfólk.
Elísabet er menntaður
lýðheilsufræðingur MPH, djákni með diplómur á meistarastigi í sálgæslu, fötlunarfræðum
og er með kennsluréttindi í framhaldsskólum auk þess að vera iðnrekstrarfræðingur
með áherslu á stjórnun/mannauðs-, fjár- og markaðsmál.
Aníta
Bjartmarsdóttir teiknari
gerði flestar myndirnar. Hún hefur teiknað og málað frá barnæsku, stundaði nám
á listabraut Borgarholtsskóla og hefur sótt fjölda námskeiða í listsköpun,
teikningu og málun.
Þú
getur hjálpað
Láttu kennara,
foreldra og samferðafólk þitt vita af þessu góða hjálpartæki. Það eykur
velvild, vellíðan og kallar fram bros. Það er okkar markmið. Taktu þátt.
