Fundur nr. 964 frá upphafi en 19. á starfsárinu
Fundurinn 11. febrúar
2026 var í umsjón Garðars Jónssonar og
flutti hann erindi sem hann nefndi: Nýir straumar við gæðastjórnun í
heilbrigðisþjónustu.
Garðar strarfar sem
gæðastjóri hjá Heilbrigðisstofnun Vesturlands (HSV) sem er með mjög margar
starfsstöðvar. Hann tók þátt í að þýða og staðhæfa nýjan alþjóðlegan
gæðastaðal, ISO 7101, sem er sérstaklega gerður fyrir heilbrigðisþjónustu og er
að innleiða staðalinn í samráði við starfsfólkið. Svo sannarlega
áhugavert efni sem varðar marga.
Góðar fréttir: Hildur
sagði frá ævintýsraferð sinni til Tansaníu þar sem hún gekk á Kilimandscharo sem
er hæsta fjall Afríku og er á UNESCO-heimsminjaskrá.
Guðlaug okkar var 4
sekúndur frá stórslysi. Mikil hætta var á Brussel-flugvelli þegar flugstjóri
ætlaði að hefja þotu SAS til lofts á akbraut í stað þess að fara inn á
flugbraut. Flugvélin hafði náð yfir 200 kílómetra hraða þegar henni var
nauðhemlað. Farþegar sluppu vel frá atvikinu en þotan nam staðar skammt frá
fjölda eldfimra eldsneytistanka.
Í sínum 3 mínútum sagði
Björn Viggósson frá vinnu sinni við að vélrita 8 vinnudagbækur sem afi hans lét
efir sig. Í bækurnar er skráð vinna tveggja dráttarbáta árin 1909-1928. Flutt
var fólk, vörur, verkfæri, salt, kol, hey, hross, kýr og annar búféðnaður. Dagbækurnar
varpa skemmtilegu ljósi á athafnasvæði bæjarbúa og lífæðin var sjórinn. Auk
þess að sinna þjónustu við stækkandi skipaflota án viðunandi hafnaraðstöðu þá
sinnti hann þjónustu vegna heyskapar á Kjalarnesi, Laxárvogi og
eyjunum á Kollafirði. Einnig var hann
mikið í fólksflutningum og um tíma má segja að hann hafi rekið Viðeyjarferju.
Á fundinn mættu 13 félagar
eða 65%
Athugið að næsti fundur
fellur niður en Ólafur Ólafsson sér um fundinn 25. febrúar en Elísabet
Gísladóttir um 3 mínútur.
Fundarritari: Björn
Viggósson
