Fundur nr. 967 frá upphafi en 22. á starfsárinu
Fundinum 11. mars 2026
var stjórnað af Kjartani því Bergljót forseti vor var í fríi.
Góðar
fréttir: Geir sagði frá frábærum tónleikum í Hörpu. Björn Tryggvason og ný stjórn
bíða spennt eftir að tvöfalda fjölda félaga á næsta starfsári. Ásta hvatti
félaga til að bóka flugið til Vilinius 4.-7.
september. Þeir sem ætla á Rórarýmótið bóka bara með fyrra flugi því flogið er
tvisvar í viku.
Nokkur
umræða varð um Frískápinn. Eiríkur fór fyrr um daginn og lagaði til, m.a. var
búið að brjóta hillur. Björn V mætti með nýjar hillur og setti aðvörunarlímmiða
þar sem segir að upptaka sé í gangi. Fram kom nokkur þreyta vegna endurtekinna
skemmda.
Í
sínum 3 mínútum sagði Eiríkur Arnarson frá kostulegu uppátæki Reykjavíkurborgar
til að gera húseigendum lífið enn erfiðara. Lífferilsgreining húsa er lausnin.
Nú skulu öll hús lífsferilsgreind, ný sem gömul. Fáir skilja ósköpin en ljóst
er að húseigendur þurfa að ráða sjálfbærnisstjóra, sjálfbærniráðgjafa og ráðgjafa
til að tala við sérfræðingana og verkfræðistofuna fyrir sína hönd áður en verktaki
er ráðinn til að byggja hús. Eða þannig, sko ……..
Leynigestur
var nágranni okkar, Guðlaugur Þór Þórðarson alþingismaður, sem kom með skömmum
fyrirvara þar sem auglýstur ræðumaður boðaði forföll. Guðlaugur Þór kom víða
við og flutti fjörlega tölu, aðallega um kosti og ókosti þess að ganga í
Evrópusambandið. Talið er að unga fólkið muni ráða úrslitum enda vant því að
opna pakka.
Á
fundinn mættu 13 félagar eða 72%.
Næsta
fund 18. mars sér Hildur Árnadóttir um og Valfríður Möller fer með 3 mínútur. Stjórnarfundur
verður kl. 17.00.
Takið
frá fimmtudaginn 9. apríl en þá munum við heimsækja Rótarýklúbbinn í Keflavík.
Fundarritari:
Björn Viggósson
